Сәтбаев қаласының қоғамдық кеңесінің кезекті отырысы

Ағымдағы жылдың 25 қыркүйегінде өткен қалалық Қоғамдық кеңесінің отырысында бес мәселе қаралды. Бірінші мәселе бойынша «Сәтбаев қаласының тұрғын үй-коммуналдық шаруашылық бөлімі» ММ басшысы Ә.Мұхамбетали «Cәтбаев қаласы бойынша халық үшін тұрмыстық қатты қалдықтарды жинауға, тасымалдауға, сұрыптауға және көмуге арналған тарифтерді бекіту туралы» НҚА жобасын ұсынды. Оның айтуынша,  қарауға ұсынылған  нормалар Қазақстан Республикасы Экология, геология және табиғи ресурстар министрінің 2021 жылғы 14 қыркүйектегі бұйрығымен бекітілген № 377 әдістемесі негізінде әзірленген. Бүгінгі күні қалада қолданылып жатқан нормалар Сәтбаев қалалық мәслихатының 2022 жылғы 28 қарашадағы  сессиясының шешімімен қабылданған. Нормаларды әзірлеуді “Ұлытау ЭкоСервис” ЖШС мердігерлік ұйымы жүзеге асырды. «Ұлытау ЭКО Сервис» ЖШС құрылтайшысының өкілі А. Босқанбаев тарифті қайта қараудың қажеттілігін шығындардың өсуіне байланысты қолданыстағы тариф кәсіпорынның  нақты шығындарын жаппайтынын және коммуналдық қызметтің нақты құнын өтемейтінімен негіздеді.  Қаралып отырған мәселе коммуналдық қалдықтарды шығаруға, тарифтердің көтерілуімен тікелей байланысты болғандықтан, кеңес мүшелері баяндаушы мен мердігер ұйым өкілдеріне бірқатар сұрақтар қойды.  Мәселені талқылаудан кейін НҚА-ны қайта қарауға жіберу туралы шешім қабылданды. 
Күн тәртібінің келесі мәселесімен “2026-2027 жылға қаланың жылыту маусымына дайындық барысы туралы” Сәтбаев қаласы тұрғын үй-коммуналдық шаруашылығы бөлімі” ММ басшының есебі тыңдалды. Ә.М.Мұхамбетали баяндамасына сәйкес бүгінгі таңда жылумен жабдықтау нысандарының жалпы дайындығы 95% құрайды. Жылу және инженерлік желілерде кешенді жөндеу жұмыстары аяқталуға жақын. Одан әрі Сәтбаев қаласының білім бөлімінің басшысы Б.Ақышбековтың “2026-2027” оқу жылының барысы туралы” ақпараты қаралды.  Ақпаратында білім алушылардың оқу жетістіктері, жаңа оқу жылының барысы, кадрлармен қамтамасыз ету, қауіпсіздік, оқушыларды тамақтандыру, санитариялық жағдай және инклюзивті білім беру мәселесі қамтылды. Қазіргі таңда қалада 13 жалпы білім беретін мектеп жұмыс істейді. 2026-2027 оқу жылында мектептерде 12 216 оқушы білім алуда, кадр тапшылығын төмендету бағытында бөліммен жүйелі жұмыстар жүргізілуінің нәтижесінде былтыр 25, ал биыл 58 жас маман жұмысқа қабылданған. Сондай-ақ кеңес мүшелерімен     Сәтбаев қаласының жер   қатынастары, сәулет және қала құрылысы бөлімі ММ мемлекеттік қызмет көрсету сапасы туралы бөлімнің сектор меңгерушісі Б.Орынбаеваның және «Сәтбаев қаласының кәсіпкерлік және ауыл шаруашылық бөлімі» ММ мемлекеттік қызмет көрсету сапасы туралы бөлім басшысының м.а. А.Маманованың ақпараттары тыңдалды. Есептерді қарау және талқылау қорытындылары бойынша тиісті ұсынымдар қабылданды. на рус

Фото

Previous Next