Маңғыстау облысының Қоғамдық кеңесінің отырысы өтті

Ағымдағы жылдың 15 қазан күні Маңғыстау облысының Қоғамдық кеңесінің отырысы кеңес төрағасы Жүсіпов Бекмұрат Қыдырбайұлының төрағалығымен кезекті отырысы өтті.

Отырыс барысында өңірдің әлеуметтік-экономикалық дамуына қатысты бірқатар өзекті мәселе қаралды. Атап айтқанда, облыстың энергетика саласындағы ахуалы, электр және жылу энергиясымен қамтамасыз ету, инженерлік-коммуналдық инфрақұрылымды жаңғырту, тұрғын үй мәселесін шешу, апатты тұрғын үйлерді жаңарту және елді мекендерді газдандыру бағыттарындағы жұмыстар талқыланды.

Сонымен қатар, өңірде цифрлық трансформацияны дамыту, мемлекеттік басқару жүйесіне заманауи технологиялар мен жасанды интеллект мүмкіндіктерін енгізу, қоғамдық қауіпсіздікті арттыру және тұрғындардың өтініштерін тиімді қарау мәселелеріне назар аударылды.

Күн тәртібіндегі мәселелер бойынша жауапты сала өкілдерінің баяндамалары тыңдалып, атқарылып жатқан жұмыстар мен алдағы жоспарлар туралы ақпарат берілді. Кеңес мүшелері көтерілген мәселелер бойынша өз пікірлерін білдіріп, ұсыныстарын ортаға салды.

Талқылау барысында өңір тұрғындарын сапалы коммуналдық қызметтермен қамтамасыз ету, инфрақұрылымның тозу деңгейін төмендету, тұрғын үй қорын жаңарту және халықтың өмір сүру сапасын арттыру бағытындағы жұмыстардың маңыздылығы атап өтілді.

Қоғамдық кеңес отырысының негізгі мақсаты – өңір үшін маңызды мәселелерді ашық талқылау, атқарушы органдардың жұмысына қоғамдық бақылауды қамтамасыз ету және тұрғындардың мүддесіне бағытталған ұсыныстарды қарастыру.

Отырыс қорытындысы бойынша көтерілген мәселелер назарға алынып, оларды шешу бағытында тиісті ұсыныстар айтылды.

Фото

Previous Next