БӘЙДІБЕК АУДАНЫНДА «ҚОҒАМДА СЫБАЙЛАС ЖЕМҚОРЛЫҚҚА ҚАРСЫ МӘДЕНИЕТ ҚАЛЫПТАСТЫРУ» АТТЫ СЕМИНАР ӨТТІ

Бәйдібек ауданында қоғамда сыбайлас жемқорлыққа қарсы мәдениетті қалыптастыруға бағытталған облыстық кездесу-семинар өтті.

Іс-шараны Бәйдібек аудандық ішкі саясат бөлімінің басшысы Ө. Алдамжаров жүргізді.

Кездесудің спикерлері – Бекбосынов Ермек Төленұлы, халықаралық құқық маманы және Ильяс Роза Исламбекқызы, жоба координаторы.

Семинар барысында сыбайлас жемқорлыққа қарсы мәдениетті қалыптастырудың маңыздылығы, мемлекеттік қызметте адалдық пен әдеп қағидаттарын сақтау, қоғамда ашықтық пен заң үстемдігін нығайту мәселелері кеңінен сөз болды. Сонымен қатар Конституцияның негізгі қағидаттары, Халықтық кеңестің қызметі, алдағы саяси науқан – Құрылтай сайлауы, азаматтық жауапкершілікті арттыру және сыбайлас жемқорлықтың алдын алу бағытындағы жұмыстар жан-жақты талқыланды.

Жиынға аудан әкімдігіне қарасты дербес бөлімдер мен ауылдық округ әкімдері аппараттарының мемлекеттік қызметшілері, мекеме басшылары, Қоғамдық кеңес мүшелері және үкіметтік емес ұйымдардың өкілдері қатысты.

Кездесу барысында қатысушылар өздерін толғандырған сауалдарын қойып, спикерлермен пікір алмасты. Іс-шара соңында сыбайлас жемқорлыққа қарсы мәдениетті қалыптастыру – әрбір азаматтың ортақ міндеті екені атап өтіліп, адалдық құндылықтарын дәріптеу мен заң үстемдігін қамтамасыз ету жолында бірлесіп жұмыс істеудің маңыздылығына ерекше назар аударылды

Фото

Previous Next