Құрманғазы аудандық қоғамдық кеңесінің кезекті отырысы өтті

22 қыркүйек күні Құрманғазы аудандық қоғамдық кеңесінің кезекті отырысы өтті.

Отырысқа аудан әкімі А.С. Жангалиев, аудандық мәслихат төрағасы Г.Г. Калиева, Қоғамдық кеңес төрағасы С.К. Султанов, кеңес мүшелері және тиісті мемлекеттік органдар мен мекемелердің өкілдері қатысты.

Отырыс барысында ауданның әлеуметтік-экономикалық және қоғамдық маңызы бар бірқатар мәселелер қаралды.

Ауылдық округтердің қызметіне қатысты Кудряшов және Көптоғай ауылдық округтері бойынша мемлекеттік қызметтер көрсету сапасы, ауылдық округ әкімдерінің функционалдық міндеттері және атқарылған жұмыстар туралы ақпараттар тыңдалды.

Ауданның инфрақұрылымы мен абаттандырылуына қатысты жол құрылыстарының сапасы мен жоспарланған жұмыстардың орындалу барысы, қатты тұрмыстық қалдықтарды жинау және әкету, полигон аймақтарын күтіп ұстау мәселелері қаралды. Сонымен қатар мал шаруашылығындағы эпизоотиялық тұрақтылық және алдын алу шаралары бойынша ақпарат берілді.

Қаржы мәселесі бойынша аудандық мәслихаттың 2025 жылғы 22 желтоқсандағы №253-VIII «2026-2028 жылдарға арналған ауданның бюджетін бекіту туралы» шешіміне өзгерістер енгізу туралы шешім жобасы қаралды.

Әлеуметтік сала бойынша жастардың бос уақытын тиімді ұйымдастыру, сондай-ақ білім беру саласындағы өзекті мәселелер, білім сапасы, кадр тапшылығы және материалдық-техникалық қамтамасыз ету мәселелері талқыланды.

Қаралған мәселелер бойынша жауапты басшылардың баяндамалары тыңдалып, Қоғамдық кеңес мүшелері тарапынан сұрақтар қойылды. Талқылау барысында өзекті мәселелер бойынша пікірлер мен ұсыныстар айтылып, оларды шешу жолдары қарастырылды.

Аудан тұрғындарының өмір сүру сапасына тікелей әсер ететін мәселелерге ерекше назар аударылып, жауапты мемлекеттік органдарға тиісті ұсыныстар беріледі.

Фото

Previous Next