Көкшетауда «Таза Қазақстан» акциясы аясында Бірлік саябағы ашылды

Республика күніне орай және «Таза Қазақстан» жалпыұлттық экологиялық акциясы аясында Көкшетау қаласындағы Достық үйінің аумағында «Бірлігі жарасқан – Таза Қазақстан» атты іс-шара өтіп, «Бірлік саябағының» салтанатты ашылу рәсімі ұйымдастырылды.

Аталған іс-шараға Ақмола облысының әкімі Марат Мұратұлы Ахметжанов, қоғамдық ұйымдардың өкілдері, этномәдени бірлестіктер мүшелері, жастар мен қала тұрғындары қатысты. Рахметулина Бағдат Сағынғановна да Ақмола облыстық Қоғамдық кеңесінің мүшесі ретінде осы маңызды іс-шараға қатысты. Іс-шара аясында саябақ аумағына қарағай мен алма ағашының 80 көшеті отырғызылды. Бұл бастама туған жерімізді көркейтуге, қоршаған ортаны қорғауға және экологиялық мәдениетті қалыптастыруға бағытталған.

Бірлік бар жерде – береке бар! Туған жерімізді бірге көркейтіп, табиғатты аялап, таза әрі жасыл Қазақстанды келер ұрпаққа аманат етейік!

Фото

Previous Next