Қоғамдық кеңес отырысы өтті.

20 қазан 2026 жылы Зайсан аудандық қоғамдық Кеңесінің кезекті отырысы өткізілді. Отырысқа 15 қоғамдық Кеңес мүшелерінің 12 мүшелері қатысты.

    Қоғамдық Кеңес отырысында бірінші мәселеауданның ауылшаруашылық құрылымдарын алаңдатып отырған мәселердің бірі «Аудан көлемінде карантиндік өсімдіктерге байланысты атқарылып жатқан жұмыстар туралы» аудандық аумақтық инспекциясының басшысы Б.Р.Екібасовтың ақпараты тыңдалды.   Хабарламашы карантиндік өсімдіктерді жою жөнінде аудан көлемінде атқарылып жатқан жұмыстарға тоқталды. Мемлекет тарапынан карантиндік өсімдіктерді жоюға тек мемлекеттік жер қорындағы жерлерге қаражат бөлінетінін және осы мақсатта мемлекеттік жер қорындағы Кеңсай ауылдық округіне қарасты  Майлыбай жер  телімінде 3 га , Зайсан қала әкіміне қарасты Қашар жер телімінде 1 га жерге химиялық өңдеу жүргізіліп 101817 тенге қаражат жұмсалған айтты. Ауыл шаруашылық құрылымдарының иелігіндегі жерлердегі карантиндік өсімдіктермен күрес жүргізу жер иелерінің міндеті екендігіне тоқталып, карантиндік өсімдіктердің таралуына жол берген жер иелеріне соңғы алты жылда 21 әкімшілік іс қозғалып 4 млн 137 мың тенге айыппулдар салынғанын жеткізді. Сонымен бірге осы жұмыстардағы проблемаларға тоқталды.  Қоғамдық кеңес төрағасы М.Уәли бұрынғы кеңшарлар тарағаннан кейін ауданда ақ  мия, улы кекіре, саршырмауық сияқты өте зиянды арам шөптердің егіндік, шабындық алқаптарды басып бара жатқанын оған қарсы күрес жүргізуге шаруа қожалықтарының мүмкіндігі төмен екендігін, бұл мәселені тек айыппұлдар салумен шешілмейтінін, мемлекет тарапынан көмек қажет екендігін  айтып өтті. Сөз алған басқа да қоғамдық кеңес мүшелері карантиндік арам шөптерге қарсы күрес жүргізуге аудандық ауылшаруашылық бөлімімен қала және ауыл әкімдері бірлесе отырып жұмыс істеу қажет екендігін айтып өтіп, химиялық пестицидтерді қолдану кезінде оның нормаларын қатаң сақтауды,сонымен бірге ауылшаруашылық құрылымдары арасында зиянкестер мен арам шөптерге қарсы қолданылатын өсімдіктерді қорғау құралдарын (пестицидтерді)  субсидиялау тәртібі бойынша түсіндірме жұмыстарын жақсартуды ұсынды.        Сондай ақ ауданда агрономдардың жоқтығын,соның салдарынан агротехникалық шаралардың дұрыс жүргізілмеуінен егіндіктерді арам шөп басып бара жатқанын, тез арада агроном кадрларды дайындау жөнінде ауданда шаралар қолданудыұсынды.

     Отырыста күн тәртібіндегі екінші мәселе «Тегін дәрі дәрмекпен қамтамасыз етуде  ауданда атқарылып жатқан жұмыстар туралы» аудандық аурухананың бас дәрігері М.М.Мырзабекованың ақпараты тыңдалды.Аудандағы жеті мыңдай әр түрлі аурулармен диспансерлік есепте тұратын адамдарға 340 млн тенгенің дәрі дәрмектері берілетінін, кейінгі уақытта бұл мәселе бойынша нақтылы жұмыстар істеліп жатқанын, қалада және  ауылдық округ орталықтарында тегін дәрі беру орындары ашылып жатқанын айтып өтіп, алдағы уақытта бұл бағытта жұмыстарын жақсарта беретінін жеткізді.Жарыс сөзге шыққан қоғамдық кеңес мүшелері өткен жылдары тегін дәрі дәрмектер беруде кемшіліктер болғанын, кәзіргіуақытта бұл мәселе біршама шешімін тапқанын , дегенмен ауданда дәрігерлік қызмет көрсетуде кемшіліктер бар екендігін айтып аудандағы халыққа дәрігерлік қызмет көрсету жағдайын қоғамдық Кеңес тарапынан мониторинг жасап, жақын айларда  қарауды ұсынды.

Аудандық Қоғамдық Кеңес өзінің қараған мәселелері бойынша жолдаған ұсыныстарының орындалуын үнемі бақылауда ұстап, қайта оралып отырады.Соның бірі аудандағы жолаушылар тасымалдау- қоғамдық кеңестің үнемі назарында.Сондықтан да күн тәртібіндегі үшінші мәселе «Ауданішілік және Зайсан қалаішілік жолаушылар тасымалдауы бойынша  Тұрғын үй коммуналдық шаруашылығы, жолаушы көлігі және автомобиль жолдары бөлім басшысы Ә.М.Жумағалиевтің және мердігер мекеме басшысы Р.К.Маматовтың ақпараттары тыңдалды. Қоғамдық кеңес мүшелері ауданда жолаушылар тасымалдау біршама жолға қойылғанын, басқа аудандарының көпшілігінде бұл жұмыстар тоқтап қалғанын, біздің ауданда жолаушылар тасымалдау жұмыстарының жалғасып жатуы аудан әкімдігінің бұл мәселені үнемі назарда ұстауының және мердігер мекеме басшысы Р.К.Маматовтың іскерлігі арқасында жүргізіліп жатқанын, қажетті мемлекет тарапынан берілетін субсидия берілмесе де аз қамтылған отбасылардың шыққан 750 оқушыны тегін тасымалдап отырғанын айтып өтіп жас кәсіпкердің жұмысына ризашылықтарын білдіріп, табыс  тіледі.

      Отырыста Зайсан аудандық мәслихатының 2024 жылғы 28 тамыздағы «Зайсан ауданының ауылдық елді мекендерінде тұратын және жұмыс істейтінмемлекеттік денсаулық сақтау, әлеуметтік қамсыздандыру,білім беру,мәдениет, спорт және ветеринария ұйымдарының мамандарына бюджет қаражаты есебінен коммуналдық көрсетілетін қызметтерге ақы төлеу және отын сатып алу бойынша әлеуметтік қолдау көрсету қағидасын және мөлшерін бекіту туралы», 2015 жылғы 20 қаңтардағы «Шығыс Қазақстан облысы Зайсан ауданында  тұрғын үй көмегін  көрсетудің мөлшерімен қағидасын айқындау туралы» шешіміне өзгерістер енгізу туралы», 2021 жылғы 28 қыркүйектегі «Зайсан ауданында мүгедектігі бар балалар қатарындағы кемтар балаларды жеке оқыту жоспары бойынша үйде оқытуға жұмсалған шығындарын өндіріп алу тәртібі мен мөлшерін айқындау туралы» шешімдерінің өзгерістер енгізу туралы аудандық мәслихаттың шешім   жобаларымен Зайсан аудандық жұмыспен қамту және әлеуметтік бағдарламалар бөлімінің басшысы Ж.Б.Қинашева таныстырып өтті. Шешім жобаларын қоғамдық кеңес мүшелері толық мақұлдады.

     Отырыста «Зайсан ауданы бойынша конкурска ұсынылатын ауылшаруашылығы мақсатындағы жер учаскелерінің тізімі туралы» мәселе қаралып ұсынылған  жер  телімдерінің екеуіне келісім берілмеді.

Отырыста Қоғамдық кеңес мүшесі Қ.Е.Сайрановаудандағы табиғи газбен қамтылмаған ауылдардың тұрғындарының тас көмірмен қамтылу жағдайының сын  көтермейтінін айтып аудандық Тұрғын үй коммуналдық шаруашылығы, жолаушы көлігі және автомобиль жолдары бөлім басшысы Ә.М.Жумағалиевтің  ақпаратын тыңдауды ұсынды. Бөлім басшысы Ә.М.Жумағалиев  отырысқа келіп қысқаша ақпарат берді. Ақпаратында Тұғыл кентінен көмір тасу тоқтатылғанын, көмір Қаражыра көмір кен орнынан қиындықпен болса датасымалданып жатқанын, Аққойын кен орнына  көмір өндіруге   инвесторлар келіп жұмыс бастағанын, қыс бойы тұрғындарды көмірмен қамтамасыз ету жөнінде жұмыстар істейтінін,жалпы тұрғындарды көмірмен қамтамасыз ету аудан басшылығының назарында екендігін айтып өтті. Қоғамдық кеңес мүшелері тасымалданып жатқан көмірдің қымбат екендігін, тұрғындарды көмірмен қамтамасыз ету жұмысы баяу жүріп жатқаны тұрғындардың орынды наразылығын тудырып отырғанын, сондықтан осы бағытта жұмысты тездетуді, көмір бағасын түсіру жөнінде жұмыстарды ұйымдастыруды ұсынды. Қоғамдық кеңес мүшелері тұрғындарды көмірмен қамтамасыз ету мәселесін әр ауылда зерделеп, көмір өндіру және тасымалдау жұмыстарын өндіріс басына барып көзбен көріп қараша айының басында қоғамдық кеңес отырысында қайта қарау жөнінде шешім қабылдады.

   Аудандық коғамдық кеңестің ақпараттық орталығы.  

Фото

Previous Next