Ағымдағы жылғы 20 қазан күні Алматы облысы Райымбек ауданындағы қоғамдық резонанс тудырған картоп алқабындағы жағдайға байланысты қоғамдық мониторинг өткізілді

Ағымдағы жылғы 20 қазан күні Алматы облысы Райымбек ауданындағы қоғамдық резонанс тудырған картоп алқабындағы жағдайға байланысты қоғамдық мониторинг өткізілді. Мониторингке Алматы облыстық қоғамдық Кеңесінің төрағасы, республикалық Халық Кеңесінің мүшесі Қазыбек Нұрсейітұлы Дауталиев, Райымбек аудандық қоғамдық Кеңесінің төрағасы Айыпжан Қаптағаев, аудандық қоғамдық кеңесінің мүшелері, Аудан әкімінің орынбасары Садықов Бауыржан Бақытұлы, Qonaev телеарнасының өкілдері қатысты. Текес ауылы тұрғындары өкілдерінің қатысуымен болған жиында аталған мәселе кеңінен талқыланды. Жиынға қатысушыларға тиісті лабораториялық зерттеу қорытындылары таныстырылды. Картоп алқабында шығын болған малдардан, картоптан және алқап топырағынан алынған зерттеулер қорытындысы бойынша малдардан жұқпалы аурулар белгісі, картоптан адам ағзасына зиян келетін қоспалар және топырақтың құрамында тиісті нормалардан асатын химиялық қоспалардың жоқ екендігі анықталды. Мал шығыны картопты артық мөлшерде тұтынудан іш кебуі және қақалу факторларынан болған деген қорытынды жасалынды.

Фото

Previous Next