Аудандық Қоғамдық кеңестің 2026 жылға арналған жұмыс жоспарына сәйкес II тоқсандағы кезекті отырысы өтті.

Жиын 2026 жылғы 5 маусымда аудан әкімдігінің ғимаратында өтті. Отырысқа Қоғамдық кеңес мүшелерімен қатар аудан әкімінің міндетін атқарушы Амангелді Хайдарұлы, аудандық мәслихат төрағасы Гүлжаннат Ғаділханқызы, дербес бөлім басшылары, ауылдық округ әкімдері және бұқаралық ақпарат құралдарының өкілдері қатысты.

Отырысты Қоғамдық кеңес төрағасы Сабыржан Қыдырсихович ашып, қатысушыларды күн тәртібімен таныстырды.

Күн тәртібіндегі алғашқы мәселелер бойынша Дыңғызыл және Жаңаталап ауылдық округтерінде мемлекеттік қызмет көрсету сапасы қаралып, ауылдық округ әкімдерінің атқарған жұмыстары туралы есептері тыңдалды.

Сондай-ақ аудан бойынша ауыз судың сапасы мен санитарлық талаптардың сақталуы, электр инфрақұрылымының сенімділігі мен даму перспективалары және төтенше жағдайлардың алдын алу жүйесінің жай-күйі талқыланды.

Жиын барысында күн тәртібіндегі мәселелер жан-жақты талқыланып, Қоғамдық кеңес мүшелері бірқатар ұсыныстар мен пікірлер білдірді. Баяндамашылар қойылған сұрақтарға тиісті жауаптар берді. Көтерілген мәселелер бойынша жауапты мекемелерге ұсынымдар жолданып, отырыс қорытындысы бойынша хаттамалық шешімдер қабылданды.

Фото

Previous Next