2026 жылғы жұмыс жоспарына сәйкес аудандық Қоғамдық кеңестің I тоқсандағы кезекті отырысы өтті.

Жиын 2026 жылғы 17 наурыз күні аудан әкімдігінің ғимаратында өтті. Отырысқа қоғамдық кеңес мүшелерімен қатар аудан әкімі Абат Жанғалиев, аудандық мәслихат төрағасы Гульжаннат Калиева, дербес бөлім басшылары, ауылдық округ әкімдері және бұқаралық ақпарат құралдарының өкілдері қатысты.

Отырысты қоғамдық кеңес төрағасы С. Султанов ашып, қатысушыларды күн тәртібімен таныстырды. Күн тәртібіне сәйкес бірқатар маңызды мәселелер қаралды.

Атап айтқанда, ауданның 2025 жылғы әлеуметтік-экономикалық дамуы және алдағы міндеттері туралы аудан әкімі баяндама жасап, негізгі көрсеткіштер мен алдағы жоспарларға тоқталды. Сонымен қатар аудандық мәслихат депутаттарының 2025 жылғы атқарған жұмыстары жөнінде мәлімет берілді.

Отырыста аудандық қоғамдық кеңестің 2025 жылы атқарылған жұмыстары қорытындыланып, 2026 жылға арналған жұмыс жоспары бекітілді.

Сондай-ақ Ақкөл және Қиғаш ауылдық округтері бойынша мемлекеттік қызмет көрсету сапасы туралы мәселелер қаралып, көрсетілетін қызметтердің тиімділігін арттыру бағытындағы жұмыстар талқыланды. Қоғамдық кеңес мүшелері тарапынан сұрақтар қойылып, ұсыныстар айтылды.

Бұдан бөлек, аудандық бюджеттің атқарылуы бойынша жылдық есеп тыңдалып, қаржының игерілу барысы мен алдағы кезеңге арналған міндеттер қарастырылды.

Жиын барысында көтерілген барлық мәселелер жан-жақты талқыланып, жауапты сала басшыларына нақты ұсыныстар мен тапсырмалар берілді.

Отырыс қорытындысы бойынша тиісті шешімдер қабылданып, хаттама рәсімделіп, жауапты мекемелерге жолданатын болады.

Фото

Previous Next