2025 жылдың IV тоқсанына арналған жұмыс жоспарына сәйкес аудандық Қоғамдық кеңестің кезекті отырысы өтті.

Аудандық қоғамдық кеңестің 4-тоқсанға арналған бекітілген жұмыс жоспарына сәйкес кезекті отырысы аудан әкімдігінің ғимаратында өтті. Жиынға қоғамдық кеңес мүшелерімен қатар, аудан әкімі А. Жанғалиев, аудан әкімдігіне қарасты дербес бөлімдердің басшылары, ауылдық округ әкімдері, сондай-ақ бұқаралық ақпарат құралдарының өкілдері қатысты.

Отырысты қоғамдық кеңес төрағасы ашып, қатысушыларды күн тәртібімен таныстырды. Күн тәртібіне сәйкес бірқатар әлеуметтік-экономикалық маңызы бар мәселелер қаралды.

Атап айтқанда, Құрманғазы, Теңіз, Еңбекші және Мақаш ауылдық округтері бойынша мемлекеттік қызмет көрсету сапасы жөнінде ауылдық округ әкімдері хабарлама жасап, көрсетілетін қызметтердің қолжетімділігі мен сапасын арттыру бағытында атқарылып жатқан жұмыстар туралы баяндады. Қоғамдық кеңес мүшелері аталған мәселелер бойынша сұрақтар қойып, өз ұсыныстарын білдірді.

Сонымен қатар аудан бойынша денсаулық сақтау саласында атқарылған жұмыстар туралы аудандық аурухана басшылығы баяндама жасап, медициналық қызмет көрсету сапасын жақсарту, халыққа көрсетілетін қызметтердің қолжетімділігін арттыру бағытында жүзеге асырылып жатқан шаралар жөнінде мәлімет берді.

Отырыс барысында әлеуметтік сала аясында атқарылып жатқан жұмыстар, халықты жұмыспен қамту, әлеуметтік қолдау шараларының орындалуы, сондай-ақ елді мекендерді газбен қамту жұмыстарының барысы кеңінен талқыланды. Тиісті сала басшысы алдағы жоспарлар мен кезең-кезеңімен жүзеге асырылатын жұмыстар туралы ақпарат ұсынды.

Бұдан бөлек, сенімгерлік басқаруға берілген коммуналдық мүлікті тиімді пайдалану мәселесі қаралып, коммуналдық меншік объектілерін басқару тиімділігін арттыру бағытында ұсыныстар айтылды. Сондай-ақ ауыл шаруашылығы және кәсіпкерлік мақсатында елді мекендер шегінде жер учаскелерін беру бойынша атқарылған жұмыстарға талдау жасалды.

Жиын барысында аудан әкімі А. Жанғалиев күн тәртібіндегі мәселелердің маңыздылығына тоқталып, көтерілген мәселелерді уақытылы әрі сапалы шешу қажеттігін атап өтті. Қоғамдық кеңес мүшелерінің ұсыныстары назарға алынып, жауапты сала басшыларына нақты ұсыныстар енгізілетін болады.

Отырыс соңында қоғамдық кеңес төрағасы қаралған мәселелер бойынша тиісті шешімдер қабылданатынын атап өтіп, отырыс қорытындысы бойынша арнайы хаттама толтырылып, жауапты бөлімдер мен мекемелерге жолданатынын жеткізді.

Фото

Previous Next