Кеңес отырысында 2025-2027 жылдарға арналған аудандық бюджетті нақтылау бойынша өзгерістер мен толықтырулар енгізу талқыланды.

Құрманғазы аудан әкімдігінің кіші мәжіліс залында аудандық Қоғамдық кеңес төрағасы Сабыржан Кыдырсиховичтің төрағалығымен кеңес отырысы өтті. Отырысқа аудандық қоғамдық кеңес мүшелері, аудан әкімі Абат Сайфоллаұлы, аудандық мәслихат төрағасы Гульжаннат Гадилханкызы, Құрманғазы ауылдық округ әкімі Абдуррахман Рахметұлы, аудан әкімі орынбасарлары, дербес бөлім басшылары қатысты.

Отырыста күн тәртібіне қойылған төмендегі мәселе қаралды:

1. Қазақстан Республикасының Бюджет кодексіне сәйкес аудандық мәслихаттың 2024 жылғы 26 желтоқсандағы №173-VIII «2025-2027 жылдарға арналған ауданның бюджетін бекіту туралы» және №174-VIII «2025-2027 жылдарға арналған Құрманғазы ауданының ауылдық округтерінің бюджеттерін бекіту туралы» шешімдеріне өзгерістер мен толықтырулар енгізу.

Хабарламашы: Аудандық экономика және қаржы бөлімінің басшысы Н.Баймуханова

Күн тәртібіндегі мәселе бойынша, Нурия Бауыржанқызы 2025-2027 жылдарға арналған аудандық бюжетті нақтылау және 2025-2027 жылдарға арналған ауылдық округтердің бюджеттерін нақтылау бойынша хабарлама жасады. Оның ішінде, облыс әкімдігінің қаулысымен бюджетке тузетулер енгізгендігін, атап айтқанда жыл басындағы бюджет қаражатының бос қалдықтары туралы, Құрманғазы ауданы әкімдігінің 2025 жылғы 26 ақпандағы №26 қаулысымен ҚР Ұлттық қорынан, Республикалық бюджеттен және облыстық бюджеттен бөлінген қаржылардың пайданылмаған нысаналы трансферт қаржылары бюджетке қайтарылғаны жөнінде және тағыда басқа толық түсіндірме жасады. Аудан әкімі Абат Сайфоллаұлы да сұрақтарға жауап берді. Кеңес мүшелері өздерінің көкейтесті сұрақтарын қойып, ұсыныс-пікірлерін білдірді.

Бюджетке өзгерістер мен толықтырулар енгізу ұсынысы мақұлданды.

Кеңес төрағасы Сабыржан Кыдырсихович кеңес отырысын қорытындылап, отырысқа қатысқан тұлғаларға алғыс білдірді.

Фото

Previous Next