ҚОҒАМДЫҚ КЕҢЕСТІҢ жаңа құрамының алғашқы отырысы өтіп, төрағасы сайланды

Бүгін аудан әкімдігінің кіші мәжіліс залында аудан әкімі Абат Жангалиев пен аудандық мәслихат төрағасы Гульжаннат Калиеваның, аудан әкімі орынбасары А.Муратовтың, дербес бөлім басшыларының, қоғамдық кеңесті қалыптастыру жөніндегі жұмыс тобының басшысы Берік Анесовтың, БАҚ өкілінің, жаңа қоғамдық кеңес мүшелерінің қатысуымен аудандық Қоғамдық кеңестің отырысы өтті. Кеңесті қоғамдық кеңесті қалыптастыру жөніндегі жұмыс тобының басшысы Берік Анесов ашты. Күн тәртібінде Қоғамдық кеңестің төрағасын сайлау, кеңес ережесін бекіту, кеңес төралқасын сайлау, кеңес мүшелерінің жаңа құрамын таныстыру, куәліктерін табыс ету, 2025 жылға арналған жұмыс жоспары мен комитеттер құрамын бекіту қарастырылған.

Жаңа құрам азаматтық қоғам өкілдерінен Дарелов Танатар, Кенжебаев Бержан Ахонович, Сапарова Улмекен Кибатуллаевна, Суинова Кунсулу Урпековна, Рскалиев Исагали, Султанов Сабыржан Кыдырсихович, Сагындыхов Жалгас Сабыржанович, Абдуллаев Азамат Абаевич, Тлемисова Альбина Ерікқызы, мемлекеттік орган өкілдерінен Хасанов Марат Измуханұлы, Олжабаева Светлана Кенесовна, Зинулаев Айбек Фатихоллаевич, Хасанова Жамал Адебиетовна бекітілді.

Аудан әкімі Абат Жангалиев пен аудандық мәслихат төрағасы Гульжаннат Калиева 2022-2025 жылдар аралығында абыройлы қызмет атқарып келген қоғамдық кеңес төрағасы Талғат Хамитович Жаудинге атқарған жұмыстары үшін алғыс білдірді.

Жаңа кеңестің төрағасын ашық дауыс беру арқылы сайлау үшін кеңес мүшелері өздерінің ұсыныстарын білдірді. Кеңес мүшелері бірауыздан бір шешімге келіп, аудандық Қоғамдық кеңестің төрағасы болып Султанов Сабыржан Кыдырсихович сайланды. Аудан әкімі мен мәслихат төрағасы Қоғамдық кеңестің төрағасы болып сайланған Сабыржан Кыдырсиховичті жаңа қызметімен құттықтап, сәттілік тіледі.

Жиынды әрмен қарай Султанов Сабыржан Кыдырсихович жүргізді. Төраға жаңадан жасақталған Қоғамдық кеңестің ережесін таныстырып, бекітті. Сондай-ақ Султанов Сабыржан Кыдырсихович Қоғамдық кеңес қызметінің бағыттары бойынша үш комитетті құруды, олардың құрамын бекітуді ұсынды. Қоғамдық кеңес мүшелері бұл ұсынысты қолдап, нәтижесінде 3 комитет құрылып, олардың төрағалары мен мүшелері сайланды. Қоғамдық кеңестер туралы заңның 11 бабының 2 тармағы негізінде қоғамдық кеңес комитеттерінің жұмысын үйлестіру, кеңес отырысын өткізуге дайындықты ұйымдастыру, ақпараттық қолдауды қамтамасыз ету, қоғамдық кеңес ұсынымдарының орындалуына мониторинг жүргізу мақсатында қоғамдық кеңес төрағасы, депутат, комитет төрағаларынан тұратын төралқа құрамы бекітіледі. Осыған байланысты, қоғамдық кеңес төрағасы Султанов Сабыржан Кыдырсихович, мәслихат атынан өкіл Зинулаев Айбек Фатихоллаевич, экономика, бюджет, салық саясаты, кәсіпкерлік, ауыл шаруашылығы, инфрақұрылым және туризм саласы жөніндегі комитетінің төрағасы Кенжебаев Бержан Ахонович, әлеуметтік сала, жастар саясаты, жұмыспен қамту, білім беру саласы жөніндегі комитетінің төрағасы Дарелов Танатар, құқықтық мәселелер, заңдылықты сақтау және сыбайлас жемқорлыққа қарсы күрес, кәмелеттік жасқа толмағандардың істері жөніндегі комитетінің төрағасы Сапарова Улмекен Кибатуллаевна барлығы бес адамнан тұратын төралқа құрамы ашық дауыс беру қорытындысы негізінде сайланды.

Күн тәртібіндегі "2025 жылдың жұмыс жоспарымен танысу" мәселесіне келетін болсақ, жоспарды бекіту кеңес мүшелерінің ұсыныс-пікірі негізінде толықтырулар енгізу үшін кейінге қалдырылды.

Фото

Previous Next