Құрманғазы аудандық қоғамдық кеңесінің кезектен тыс отырысы өтті

Құрманғазы аудандық қоғамдық кеңесінің кезектен тыс отырысында күн тәртібіне енгізілген бірқатар маңызды мәселелер қаралды.

Отырыс барысында 2026–2028 жылдарға арналған аудан бюджетін бекіту туралы Құрманғазы аудандық мәслихатының шешіміне өзгерістер мен толықтырулар енгізу мәселесі қаралды.

Сонымен қатар, төмендегі мемлекеттік мекемелерде жүргізілген сыбайлас жемқорлық тәуекелдеріне ішкі талдау нәтижелері тыңдалды:

🔹 Құрманғазы аудандық тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінде;

🔹 Аудандық жұмыспен қамту және әлеуметтік бағдарламалар бөлімінде;

🔹 Құрманғазы аудандық экономика және қаржы бөлімінде;

🔹 Құрманғазы аудандық кәсіпкерлік және ауыл шаруашылығы бөлімінде.

Күн тәртібіндегі мәселелер бойынша тиісті бөлімдердің жұмыстары талқыланып, ұсыныс-пікірлер айтылды. Қаралған мәселелердің қорытындысы бойынша қоғамдық кеңес мүшелері тиісті ұсынымдар беруге келісім білдірді.

Отырыс барысында мемлекеттік органдар қызметінің ашықтығын қамтамасыз ету, сыбайлас жемқорлық тәуекелдерінің алдын алу және бюджет қаражатының тиімді пайдаланылуы мәселелеріне назар аударылды.

Фото

Previous Next