Қазкеңес жаңалықтары
ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ

Бүгін Бәйдібек аудандық Қоғамдық кеңестің кезекті отырысы өтті.Отырысқа аудандық Қоғамдық кеңестің төрағасы Бақыт Омарбеков, Қоғамдық кеңес мүшелері, ауданға қарасты білім беру ұйымдарының директорлары, мектеп социологтары, білім бөлімінің мамандары, сондай-ақ жеке кәсіпкерлер қатысты. Отырысты Қоғамдық кеңестің төрағасы Бақыт Омарбеков ашып, жүргізіп отырды. Ол күн тәртібіндегі мәселенің маңыздылығына тоқталып, алдағы қысқы жылу маусымына дайындық – балалардың қауіпсіздігі, 1 мезгіл берілетін ыстық тамақтың берілуі мен сапалы білім алуының басты кепілі екенін атап өтті. Күн тәртібінде 1 мәселе қаралды:
1. «Аудан мектептерінің 2026-2027 оқу жылындағы жылу маусымына дайындығы, білім беру мекемелеріндегі қауіпсіздікті қамтамасыз ету және ыстық тамақпен қамтамасыз ету жағдайы туралы» аудандық білім бөлімінің атқарған жұмыстары туралы есебі.Аталған мәселе бойынша аудандық білім бөлімінің басшысы Қ. Тілеубердиев баяндама жасады.
Баяндамада:
Аудандағы мектептердің жылу қазандықтарының жөнделуі мен отын қорының дайындығы;
білім беру мекемелеріндегі бейнебақылау камералары, дабыл жүйелері мен өрт қауіпсіздігі талаптарының сақталуы;
оқушыларды ыстық тамақпен қамтамасыз ету жағдайы, асханалардың санитарлық талапқа сай болуы және тамақ сапасын бақылау жұмыстары туралы жан-жақты мәлімет берілді. Жиын барысында Қоғамдық кеңес мүшелері мен мектеп жеке кәсіпкерлер баяндамашыға сұрақтарын қойып, өз ұсыныс-пікірлерін білдірді.
Атап айтқанда: жылу маусымында барлық мектептерде жөндеу жұмыстарын толық аяқтау, қауіпсіздік шараларын күшейтіп, ыстық тамақтың сапасы мен мөлшерін тұрақты бақылауда ұстау, шалғай ауыл мектептеріндегі мәселелерге ерекше назар аудару жөнінде ұсыныстар айтылды.Отырыс қорытындысы бойынша тиісті ұсынымдар қабылданып, барлық ұсыныс-пікірлер хаттамаға енгізілді.