Қазкеңес жаңалықтары
Қазақстан Халық Кеңесінің мүшелерімен кездесу
Бүгін Павлодар облыстық қоғамдық кеңесінің мүшелері Қазақстан Халық Кеңесі мүшелерінің өңірдегі азаматтық қоғам және жастар ұйымдарының өкілдерімен кездесуіне қатысты. Кездесуді Павлодар облыстық қоғамдық кеңесінің төрағасы Бәкір Демеуов жүргізді. Кездесу барысында Қазақстан Халық Кеңесінің Қоғамдық бастамаларды дамыту комитетінің төрағасы Вера Ким, сондай-ақ Қазақстан Халық Кеңесінің мүшелері Әсет Қыдырманов, Төлеген Күнәділов, Борис Поломарчук және Лилия Стадникова сөз сөйледі. Кездесу аясында Мемлекет басшысының Жолдауында көтерілген өзекті мәселелер бойынша ашық пікір алмасу өтті. Қатысушылар алға қойылған міндеттерді іске асырудың ортақ тәсілдерін, азаматтық қоғам мен жастардың қоғамдық-саяси үдерістердегі рөлін талқылады. Сонымен қатар азаматтардың сайлау құқықтарын түсіндіруге, азаматтық жауапкершілік пен халықтың ел өміріне белсенді қатысуына ерекше назар аударылды. Кездесу Қазақстан Халық Кеңесі, азаматтық қоғам институттары мен өңірдегі жастар ұйымдары арасындағы сындарлы диалогты дамытуға, пікір алмасуға және өзара ынтымақтастықты нығайтуға мүмкіндік берді.