Атырау облыстық Қоғамдық кеңесінің кезекті отырысы өтті

---

    2022 жылдың 13 желтоқсанында Атырау облысы Қоғамдық кеңесінің кезекті отырысында "Атырау қаласын заманауи кәріз жүйесімен қамтамасыз ету және сарқынды суларды тазарту шаралары туралы" тақырыбында Облыстық Энергетика және тұрғын үй коммуналдық шаруашылық басқармасының жұмыс есебі тыңдалды. Кеңес отырысына облыс әкімінің орынбасары Қ.Нұртаев, қала әкімі М.Қалауи, Табиғи ресурстар және табиғат пайдалануды реттеу басқармасы, Экология департаменті, Құрылыс басқармасы басшылары, "Атырау -Су арнасы" мекемесі басшысының орынбасары, кеңес мүшелері, "Атырау гидрогеология" ЖШС нің кеңесшісі, ардагер Е.Сабуров , теледидар және БАҚ өкілдері қатысты. Кеңесті төраға М.Ізбасов ашып, жүргізді.

  Аталған тақырыпта атқарылған жұмыстар барысында облыстық  Энергетика және тұрғын үй шаруашылығы басқармасы  басшысының  орынбасары Асан Нұрғалиев баяндама жасады.

   Атырау қаласының оң жақ жағалау бөлігінен кәріз тазарту имараты ( КОС) құрылысын салу нысаны бойынша жобалау сметалық құжаты-21,2 млрд. теңгеге жасақталған.

   2021-2024 жылдар аралығында аталған жұмыстарды іске асыратын мердігер мекемені анықтау мақсатында  конкурс нәтижесінде жеңімпаз мердігер мекеме "Павлодарский речной порт" ЖШС мен 2021жылы 18,5млрд тенгеге келісім шарт жасалған. 2021жылы республикалық бюджеттен бастапқы жұмыстарды атқаруға-2 млрд тенге қаралып, игерген.. Мердігер мекемемен өндірістік жұмыстар тізбесі бекітілген. 2022 жылға Республикалық және жергілікті бюджеттен жұмыстарды жалғастыруға 6,8 млрд тенге қарастырылған. Бүгінгі күні Атырау қаласының оң жақ жағалау бөлігінен кәріз тазарту имаратын тазалау жұмыстары бойынша құрылыс материалдарының қымбаттауына байланысты түзету енгізіліп, жұмыс жоспары ұзартылған.

    Атырау қаласында 85  дана кәріз сорғы станциялары мен 295,4 км кәріз коллекторы құрылғылары бар. Аталған құрылғылар мен желілер өткен ғасырда 1960 жылдары салынған. Бүгінгі күні жағдай қанағаттанарлық емес. Энергетика және тұрғын үй шаруашылығы басқармасына қарасты "Атырау Су арнасы" -мекемесі кәріз сорап станцияларына шағын жөндеу жұмыстарын жасауда, бірақ бұл кәріз сорап станцияларындағы өзекті мәселелерін шешпейді. Атырау қаласының кәріз жүйесі  моральдық және физикалық тұрғыдан ескірген. 2022 жылдың шілде айында "Атырау облысы Су арнасы" мекемесі мен "Қарағанды Строй проект" ЖШС  арасында келісім шарт жасалып, қаладағы 85 дана кәріз сорап стансаларындағы тірек және қоршау құрылымдарына, ғимараттары мен құрылыстарына, механизмі мен қондырғыларына тексеру жүргізілген. Тексеру нәтижесімен аталған мекеме кәріз сорап стансаларының техникалық-экономикалық зерттеудің қорытындысын ұсынған. "Атырау Су арнасы" мекемесі 2023-2027  жылдарға арналған инвестициалық бағдарламасына 4 дана кәріз сорап стансаларының күрделі жөндеудің жобасы мен жұмыстарын енгізуді жоспарлаған. 

 Атырау қаласы бойынша қанша үйдің септигі орталық канализацияға қосылған?  Қосылмаған үй қанша? Қашан қосылады? Канализациямен қамтылған үй қанша? Орталық канализацияға қосылмаған үйлердің лас суы қайда кетеді?  Төраға М.Ізбасов, кеңес мүшелері: Ш.Ізтелеуова, А.Иманғалиев,  С.Өскенбаев, А.Хайруллин,  Д.Сейтқалиев өзекті сұрақтар көтерді, кейбір сұрақтарға басқарма тарапынан жазбаша жауаптары берілетін болды. Бұдан соң, Е. Сабуров ардагеріміз аталған тақырыпты жіліктеп түсіндіріп берді. Едіге ағамызды Атырау қаласының әкімі М.Қалауи  қабылдауына шақырды. Кеңестің " Ифрақұрылымды дамыту және коммуналдық мәселелер жөніндегі" комиссия төрайымы Б.Досмухамбетова өз ұсыныстарын енгізді.

 Энергетика және тұрғын үй шаруашылығы басқармасының осы тақырыптағы атқарылған жұмыстары алдағы уақытта кеңес мүшелерімен  қайта тыңдалатын болды. Берілген ұсыныстар бойынша кеңес Қарар қабылдап, тиісті мекемелерге жолданатын болады.