Бірлескен аудандық мәслихатының тұрақты комиссиясының отырысы

---

Бүгін, 2022 жылғы 28 желтоқсан күні Баянауыл аудандық мәслихатының тұрақты комиссияларының отырысы мен одан кейін, Баянауыл аудандық мәслихатының хатшысы Темірболат Мүбәракұлы Қасеннің төрағалығымен Қазақстан Республикасының заңнамаларына сәйкес аудандық мәслихаттың кезектен тыс ХХІV сессиясы өтті. Сессияға аудандық мәслихатының депутаттары, ауданның Қоғамдық кеңесінің мүшелері, Майқайың кенті мен ауылдық округтерінің әкімдері және ауданның мемлекеттік мекеме басшылары қатысты. 

Мәслихат регламентіне сәйкес депутаттар сессияның күн тәртібіне дауыс берді.

Күн тәртібіндегі «2023-2025 жылдарға арналған Баянауыл ауданының ауылдық округтері және Майқайың кентінің бюджеттері туралы» мәселесі қарастырылды. Жалпы 2023 жылға арналған төртінші деңгейіндегі бюджеті 1466883,0 мың теңгені, оның ішінде меншікті кірістер 157323,0 мың теңгені, субвенция 664046,0 мың теңге, ағымдағы трансферттер 645514,0 мың теңгені құрады. Жалпы сипаттағы мемлекеттік қызметтерге - 520593,0 мың теңге. Мемлекеттік органның күрделі шығыстарына – 22500,0 мың теңге. Тұрғын үй-коммуналдық шаруашылығындағы шығыстарға – 232926,0 мың теңге қарастырылған. Мәдениет, спорт, туризм және ақпараттық кеңістік – 121368,0 мың теңге. Көлік және коммуникация функционалдық тобы бойынша – 505498,0 мың теңге қарастырылды. Басқалары – 63998,0 мың теңге құрады, және күн тәртібіндегі екінші мәселе «Баянауыл аудандық мәслихатының 2013 жылғы 29 шілдедегі «Баянауыл ауданы әкімдігі жанындағы терроризмге қарсы комиссиясының құрамын бекіту туралы» № 112/21 шешіміне өзгерістер енгізу туралы» мәселелер талқыланып, тиісті шешімдер қабылданды.