ТҮРКІСТАН ОБЛЫСЫ ТӨЛЕБИ АУДАНДЫҚ ҚОҒАМДЫҚ КЕҢЕСІНІҢ КЕЗЕКТІ ОТЫРЫСЫ

---

        Төлеби аудандық Қоғамдық кеңесінің отырысы өтті. Жиынды аудандық қоғамдық кеңестің төрағасы Б.Оралбеков ашып, жүргізіп отырды. Күн тәртібінде 2- мәселе қаралды.

1.   «Төлеби ауданы әкімдігінің кандидаттарға сайлаушылармен кездесуі үшін үй-жайлар беру және үгіттік баспа материалдарын орналастыру үшін орындар белгілеу туралы» қаулының жобасы туралы.

2.  «Төлеби ауданы бойынша коммуналық қалдықтардың түзілу және жинақталу нормаларын есептеудің қағидаларын бекіту туралы» қаулының жобасы туралы.

       Бірінші мәселе бойынша – аудандық ішкі саясат бөлімінің басшысы  Ж.Абдиев хабарлама жасады. Сайлау өткізу кезеңінде кандидаттардың үгіттік баспа материалдарын орналастыратын орындарының тізбесімен және сайлаушылармен кездесу өткізу үшін шарттық негізде үй-жайлар тізбесімен таныстырып, қаулының жобасын түсіндіріп өтті. Кеңес мүшелері бірауыздан келісімдерін беріп, шешім қабылдады.

      Екінші мәселе бойынша – аудандық тұрғын үй-коммуналдық шаруашылық жолаушылар көлігі және автомобиль жолдары бөлімінің бас маманы Нұрғали Қосалиев және экоцентр маманы Нұрлан Жарылқасымов коммуналық қалдықтар жинақталатын объектілер, есептік бірліктер және жылдық жинақтау нормаларының көрсеткіштері бойынша хабарлама жасады. Кеңес мүшелері жан-жақты талқылап, зерделеп аталған мәселені келесі отырыста қалдықтармен қызмет көрсететін жеке кәсіпкерлердің қатысуымен қайта қарауды шешті.