Тараз қалалық Қоғамдық кеңес әлеуметтік маңызды азық-түлік түрлері бағасын тұрақтандыру қорының қызметін зерделеуде

---

Тараз қалалық Қоғамдық кеңес облыс орталығындағы әлеуметтік маңызды азық-түлік түрлері бағасын тұрақтандыру бойынша «Тараз» Әлеуметтік-кәсіпкерлік корпорациясы тарапынан атқарылып жатқан жұмыстарды зерделеуге кірісіп кетті. Онда жұмыс үш бағытта өрбіп, төмендегідей мәселелерге басымдық берілуде. Олар – азық-түлікті өндірушілерден сатып алу бағамы, оларды сақтау орындарының ахуалы, сондай-ақ әлеуметтік дүкен сөрелерінде тиісті тауарлардың толыққанды болуы, сапасы және бағасы. Мониторинг барысында Қоғамдық кеңес мүшелері азық-түлікті сақтау қоймаларынан бастап, арнайы дүкендегі сатылымға дейінгі процесті жіті  назарға алып отыр. Сонымен қатар, «Тараз» Әлеуметтік-кәсіпкерлік корпорациясының Бағаны  тұрақтандыру қорының азық-түлікке белгілеген бағасы мен көтерме базарлар, мөлтек сауда орындарындағы сәйкес тауарлардың бағасының айырмашылығына да талдау жүргізуде. Алдағы уақытта зерделеу нәтижелері Тараз қалалық Қоғамдық кеңестің отырысында кеңінен талқыланатын болады.