Тараз қаласының қоғамдық кеңесі мектеп оқушыларын "Дүниежүзілік балаларды қорғау күні" мерекесімен құттықтады

---

1 маусым – Дүниежүзілік балаларды қорғау күніне орай, Тараз қалалық Қоғамдық кеңестің ұйымдастыруымен, облыс орталығындағы  «Даңқ» аллеясында сантарапты мерекелік шара көпшілікке тарту етілді.

Оның барысында концерттік бағдарлама жұртшылық назарына ұсынылып, 5 мүмкіндігі шектеулі балаға арнайы арба, 20 оқуда үздік, оқушылар арасындағы түрлі қалалық, облыстық, республикалық, халықаралық олимпиадалар мен жарыстарда топ жарған жеткіншектерге Қоғамдық кеңестің «Алғыс хаттары» мен бағалы сыйлықтары беріліп, жалпы бала атаулыға тегін балмұздақтар таратылды.

Атаулы шараға Тараз қаласының әкімі Б.Орынбеков қатысып, балаларды мерекелерімен құттықтады, алдағы мақсат-мұраттарына сәттілік тіледі.

Мереке соңында Тараз қалалық Қоғамдық кеңестің төрағасы С.Сейдәзімов пен Тараз қаласының әкімі Б.Орынбеков балалармен естелік суретке түсті.