Абай облысы Жарма ауданының Қоғамдық кеңес отырысы өтті

---

Қоғамдық Кеңес отырысы

 

2023 жылдың 14 маусымында сағат 17:00-де Жарма ауданы әкімдігі  ғимаратының үлкен залында Абай облысы Жарма ауданының Қоғамдық Кеңес отырысы өтті.

Кеңес отырысының күн тәртібінде келесі мәселелер қаралды:

1. «Жарма ауданында автокөлік жолдарын салу, реконструкциялау, жөндеу және күтіп ұстау жұмыстарын ұйымдастыру туралы» есебімен «Жарма ауданының тұрғын үй-коммуналды шаруашылық жолаушылар тасымалдау көлігі және автокөлік жолдары бөлім» ММ-нің басшысының міндетін атқарушы Аман Айдарбекович Альпиевтың баяндамасы;

2. «Аудандағы елді мекендерді таза ауыз сумен қамтамасыз етуде атқарылған және жоспарланған жұмыстар туралы» есебімен «Жарма су» КМК-ның басшысы Жумагали Саметович Даутбеков  , осы сұрақ бойынша қосымша баяндамашы «Горводхоз» КМҚ-нің директоры Эрдос Какытаевич Мурумбаевтың баяндамалары;

3. «Жайылымдарды басқару және оларды пайдалану жөніндегі жоспардың іске асырылу қорытындылары туралы» есебімен «Жарма ауданының жер қатынастары бөлімі» ММ-нің басшысы Сакен Альмухаметович Сатпековтың баяндамасы тыңдалды.

Сонымен қатар Жарма аудандық мәслихатының екі шешім жобасы қаралып, талқыланды.

1. «Абай облысы Жарма ауданының жұмыспен қамту және әлеуметтік бағдарламалар бөлімі» ММ-нің 2023 жылғы 26 мамырында ашық нормативтік құқықтық актілердің интернет-порталында орналастырылған «Жарма аудандық мәслихатының «Жарма ауданында тұрғын үй көмегін көрсетудің мөлшері мен тәртібін айқындау туралы» 2020 жылғы 10 қыркүйектегі № 49/466-VI шешіміне өзгерістер енгізу туралы» шешімінің жобасы.

2. «Абай облысы Жарма ауданының жұмыспен қамту және әлеуметтік бағдарламалар бөлімі» ММ-нің 2023 жылғы 30 мамырында ашық нормативтік құқықтық актілердің интернет-порталында орналастырылған «Жарма аудандық мәслихатының «Әлеуметтік көмек көрсетудің, оның мөлшерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» 2020 жылғы 30 желтоқсандағы №53/530-VI шешіміне өзгерістер және толықтырулар енгізу туралы» шешімінің жобасы.

Кеңес мүшелері баяндамашыларға ауданымыздағы халықты толғандырып отырған өзекті сауалдарын қойды, жайылымдық жерлердің игерілуі, халықты ауыз сумен қамтамасыз ету, әсіресе Қалбатау, Шар қаласының автокөлік жолдары туралы сұрақтар қойылып, талқыланды. Қоғамдық кеңес мүшелері мемлекеттік орган басшыларына ұсыныстар ұсынды.