Қазкеңес жаңалықтары

БӨЛІНГЕН БЮДЖЕТ ТАЛҚЫЛАНДЫ

Бүгін Қызылқоға ауданы әкімдігі ғимаратында қоғамдық кеңес отырысы өтті.. Кеңес отырысын Ж.Ізбасқан төрағалық етті.
Күн тәртібінде «2023-2025 жылдарға арналған аудандық бюджет туралы» Қызылқоға аудандық мәслихатының 2022 жылғы 21 желтоқсандағы №29-2 шешіміне өзгерістер енгізу мәселесі қаралды.
Аталған мәселе бойынша аудандық экономика және қаржы бөлімінің басшысы Қ.Сәлімгереева аудан көлемінде және ауылдық округтергтерге бөлінген бюджеттері нақтылау бойынша кеңес мүшелеріне баяндады.
Тұрғындардың сұранысына сай, ауылдарды дамыту жобалары кезең-кезеңімен жүзеге асырылып, шешімін табуда. Мәселен, биылғы жылы облыстық бюджеттен елді мекендерге ауылішілік су құбырын тарту жұмыстары жүргізіліп, аудан толықтай ауызсумен қамтылмақ. Одан бөлек, Жамансор, Жантерек ауылдарындағы медициналық пунктке инженерлік коммуникациялық инфрақұрылым құрылысына ЖСҚ дайындау жүргізілсе, Тайсойған ауылынан да спорт кешенінің ЖСҚ дайындау жүргізіледі.
Отырыста Құралай Әділшеқызы кейбір жобаларға түсінік беріп, кеңес мүшелері бюджет қаражатын талқылады.