Әлеуметтік маңызы бар өнімдерге бағаны тұрақтандыру шараларының тиімділігі: Қоғамдық кеңес Астанада мониторинг жүргізді

---

Мониторинг елордадағы 4 сауда нысанына баруды қамтыды және "Астана қаласының Инвестициялар және кәсіпкерлікті дамыту басқармасы" ММ-нің ӘМАТ бағасын тұрақтандыруды қамтамасыз етудегі қызметін қоғамдық бақылау өкілеттіктеріне сәйкес жүзеге асырылды.

Қоғамдық мониторинг барысында "Astana "ӘКК" АҚ-мен шарттарға қатысушыларды қоса алғанда, Астана қаласының сауда объектілерінде ӘМАТ-қа ағымдағы бағалар тіркелді. 

Айта кету керек, 2022 жылдың тамыз және қыркүйек айларында жүргізілген өткен мониторингте өндірушінің сату бағасының немесе көтерме жеткізушінің сатып алу бағасының 15% мөлшерінде ӘМАТ-қа шекті сауда үстемесін бұзу жағдайлары анықталды.

2023 жылғы 16 маусымда елорданың қоғамдық кеңесі ӘМАТ-тың ағымдағы бағаларын белгілеу және қоғамдық Кеңестің алдыңғы ескертулері мен ұсынымдарына жауап ретінде қабылданған шаралардың тиімділігін бағалау мақсатында сауда объектілеріне кезекті мониторинг жүргізді.