Қоғамдық кеңестің кезекті отырысы өтті

---

Кеңес отырысына қалалық мәслихат төрағасы Анар Даржанова, қалалық Қоғамдық кеңес мүшелері және Қоғамдық кеңестің жаңадан сайланған мүшелері қатысты.

Қалалық Қоғамдық кеңестің кезекті отырысын мәслихат  төрағасы Анар Даржанова ашып мамыр айындағы конкурс негізінде қоғамдық кеңестің құрамына 19 кандидаттан ұсыныс түсті. Нәтижесінде, ашық дауыс беру арқылы конкурсқа қатысқандардан 11 адам іріктеліп, сайланды. Бұл азаматтар бизнес өкілдері, қоғам белсенділері, бұқаралық ақпарат құралдарының өкілі, құрылыс саласының өкілі, спорт саласының өкілі және белсенді қала жасы бар. Қоғамдық кеңестін жаңа құрамы мәслихат сессиясында мақұлданды – деп, Қоғамдық кеңестің құрамын қалыптастыру бағытында атқарылған жұмыстарға тоқтала келе, кеңес жұмысына сәттілік тіледі.

Сонымен қатар Қоғамдық кеңестің төрағасы болып Ахат Ахметұлы Мырзалин тағайындалып, мемлекеттік бағдарламалардың орындалуын бақылауды жүзеге асыру және билік пен азаматтық қоғам арасындағы байланысты қамтамасыз етуде Қоғамдық кеңеске артылар жауапкершілік одан әрі күшейе түсетінін және кеңес алаңында көтерілген әрбір мәселе бірінші кезекте әлеуметтік мәселелерді шешуге, халықтың сұранысы мен талабын қанағаттандыруға бағытталуы тиіс екендігін атап өтті.