мәслихат депутаттары мен кеңес мүшелерінің бірлескен рейдтері

---

Қаланы санитариялық тазалау, аулалар мен ойын алаңдарын, саябақтарды күтіп ұстау мәселелері бүгінгі таңда өткірлігін жоғалтпай отыр.   Аталмыш мәселелер Сәтбаев қаласының қоғамдық кеңесі мен қалалық мәслихаттың таяу арада өтетін бірлескен кеңейтілген отырысында қарастырылады.  Осы орайда  мәслихат депутаттары мен кеңес мүшелері ТКШ бөлімінің және мердігер ұйымдардың өкілдерінің қатысуымен қала бойынша рейдтік  ісшаралар жүргізуде.  Бүгін  Гурба көшісі 21, 23, Абай көшісі 79, Мәңгілік ел көшесі, 13, 14, 23, Наурыз көшесі, 146 мекенжайларында өткізілген тексеріс көрсеткендей, қоқыс контейнерлерінің аумақтарынан габариттік емес қоқыс шығарылмаған. Аумақ тұрғындары тұрмыстық қалдықтардың уақытылы шығарылмайтындығына  шағымданды.  Рейд барысында анықталған кемшіліктер мердігерге нақты көрсетіліп, орындау талап етілді. Бұл жұмыс әлі де жалғасын табады.