Қоғамдық кеңестің кезекті отырысы (09.06.2023 ж.)

---

Ағымдағы жылдың 9 маусымында өткен Қоғамдық кеңестің отырысы                                                 «Сәтбаев қаласының аумағын санитарлық тазалау, абаттандыру және жасыл желектерді күтіп ұстау жұмыстарын жүзеге асыру туралы» «Тұрғын үй-коммуналдық шаруашылық, жолаушылар көлігі және автомобиль жолдары бөлімі» ММ басшысының есебі тыңдалды. Бұл жұмыстарды бекітілген кестеге сәйкес «Жас Ұрпақ» ҚБ, «Самға» ЖШС, «Сәт Тазалық» ЖШС мердігерлік ұйымдары жүргізеді. Қазіргі уақытта суару машиналары көшелерде, скверлер мен аллеяларда жасыл екпелерді суаруды жүзеге асырады, Жеңіс саябағында суармалы су құбырының жұмысы жүргізілген, жасыл екпелерді зиянкестерден химиялық өңдеудің 1-ші кезеңі жүргізілді, гүлзарлар отырғызылған және т.б. Қоғамдық кеңес мүшелері Ерден, Мәңгілік ел көшелері, Тәуелсіздік және Қ.Сәтбаев даңғылдарындағы көшеттерді дұрыс күтпегені үшін мердігерлердің жауапкершілігі және оларды қалпына келтіру, қоқыс контейнерлері мен оларға іргелес аумақтарды уақтылы тазаламау, жол жиегіндегі кірді тазалау, ағаштарды сапасыз пішіндеу және кесу бойынша сұрақтар қойды.

Осы бағыт бойынша жүргізіліп жатқан жұмыстар туралы «Сәтбаев қалалық санитарлық-эпидемиологиялық бақылау басқармасы» РММ бас маманы А.М. Алкенова және полиция бастығының орынбасары Д.Б.Кәрім сөз сөйледі. Ол ағымдағы жылдың 1 маусымынан бастап Ұлытау облысының мәслихаты 2023 жылғы 18 мамырдағы №26 шешімімен бекітілген Ұлытау облысының қалалары мен елді мекендерінің аумақтарын абаттандыру ережелері күшіне енгенін, оған сәйкес полиция бөлімімен бұзушыларға 5 хаттама жасалғанын атап өтті. Полиция қызметкерлері Ережені түсіндіру және әкімшілік құқық бұзушылықтардың жолын кесу бойынша тұрғындармен жиындар өткізетін болады.

Кеңес мүшелері тарапынан қойылған сауалдарға Н.Кенжеғұлов пен мердігер ұйымдардың өкілдері жауап беріп, қаланы санитарлық тазалау жұмыстарын орындау сапасын жақсарту бойынша барлық шараларды қолданатынына сендірді. Отырыс қорытындысы бойынша кеңес мүшелері 13-16 маусым аралығында «Жас Ұрпақ» ҚБ, ал 20-25 маусым аралығында «Сәт Тазалық»  ЖШС жұмыстарының орындалу сапасына мониторинг жүргізу туралы шешім қабылдады.