Қаланы абаттандыру және көгалдандыру бойынша мониторингтік топтың жұмысы

---

Қоғамдық кеңес мүшелері қаланы абаттандыру және көгалдандыру бойынша мониторингтік жұмыстарды бастады. Ағымдағы жылдың 14 маусымында олар Жеңіс саябағында, қала алаңдарында жасыл желектерді суару және күтіп ұстау, орталық көшелердегі және үй аулаларында қураған ағаштарды кесу жұмыстарын тексерді. Қоғамдық кеңес мүшелерінің сұрақтары мен ескертулеріне мониторингке қатысқан «Жас Ұрпақ» ҚБ мердігерлік ұйымының және «Сәтбаев қаласының тұрғын үй-коммуналдық шаруашылық, жолаушылар көлігі және автомобиль жолдары бөлімі» ММ өкілдері жауап берді. Қала үшін басты мәселелердің бірі негізгі көшелер мен қала тұрғындарын суармалы сумен қамтамасыз ету болып табылады.   Бекітілген келісім шарттарға сәйкес «Kazakhmys Distribution» ЖШС жылу электрорталығы  суды босатуды жүзеге асырады, ал оны тасымалдауды және кварталдық желілерге беруді «Сәтбаев жылу, сумен жабдықтау кәсіпорыны» ЖШС жүргізеді. Алайда, бұл күні суармалы су беру кестесі бұзылып, Жеңіс саябағында су берілмеді, ал Ұлытау көшесіне кестеден кеш берілді. «Жас Ұрпақ» ҚБ жасыл желектерді суару машинасымен суарып жатыр. Қажетті шараларды қабылдау үшін барлық анықталған ескертулерді Қоғамдық кеңес мүшелерімен  ТКШ, ЖК және АҚ бөлімін және кәсіпорындар басшыларына жеткізілді.