Индер аудандық Қоғамдық кеңесінің отырысы өтті

---

2023 жылдың 26 маусым күні сағат 15:00-де Индер ауданы әкімдігі ғимаратының мәжіліс залында Индер ауданының Қоғамдық Кеңесінің отырысы өтті.

Кеңес отырысының күн тәртібіне сәйкес төмендегі мәселелер тыңдалды:

1. Индер ауданының жергілікті атқарушы органдарымен көрсетілетін мемлекеттік қызметтердің сапасы мен проблемалық мәселелері, оның шешілу жолдары мен сыбайлас жемқорлыққа қарсы іс-шаралар туралы аудан әкімі аппаратының мемлекеттік құқық, төтенше жағдайлар және мемлекеттік қызмет көрсету сапасын бақылау бөлімінің басшысы Н.Сағынғалиевтің;

2. «Индер ауданының мүгедектерін жұмысқа орналастыру үшін жұмыс орындарының квотасын белгілеу туралы» Индер ауданы әкімдігінің 2016 жылғы                          14 қарашадағы №244 қаулысының күші жойылды деп тану туралы» қаулы жобасы бойынша аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы А.Серікқалиеваның хабарламалары тыңдалды.

Қоғамдық кеңес мүшелері хабарламашыларға сұрақтарын қойып, ұсыныс-пікірлерін білдірді. Мекеме басшыларының хабарламалары мақұлданып, қарар жобасы қабылданды.