Индер ауданының Қоғамдық Кеңесінің отырысы өтті.

---

2023 жылдың 13 сәуір күні сағат 10:30-да Индер ауданы әкімдігі ғимаратының мәжіліс залында Индер ауданының Қоғамдық Кеңесінің отырысы өтті.

Кеңес отырысының күн тәртібіне сәйкес төмендегі мәселелер тыңдалды:

1. Әйіп қажы» мешітін жандандыру мақсатында Индербор кентінен жер алу мәселесі бойынша «Әйіп қажы» мешітінің бас имамы Е.Қамзағалиевтің;

2. Индер аудандық Қоғамдық кеңесінің құрамына өзгеріс енгізу туралы». аудандық Қоғамдық кеңестің төрағасы А.Х.Балахметовтың.

3. Аудан бойынша денсаулық сақтау саласындағы өзекті мәселелер және аудандық емхананың күрделі жөндеуі мен реконструкциясы туралы Индер аудандық ауруханасы шаруашылық жүргізу құқығындағы коммуналдық мемлекеттік кәсіпорынның директоры А.Х.Доспаеваның.

4. Аудан мектептеріндегі ұлттық бірыңғай тестілеуге дайындық және білім бөлімінің атқарған жұмыстары мен алда тұрған міндеттері, балалардың сабақтан тыс және жазғы кезеңдерде бос уақыттарын өткізу туралы аудандық білім бөлімінің сектор меңгерушісі Ш.С.Сабированың хабарламалары тыңдалды.

Аудандық білім бөліміне төмендегідей ұсыныстар берілді:

1. Жөндеуді қажет ететін аудан мектептеріне қаржы сұранысын беру;

2. Аудан мектептеріндегі жарамсыз өрт сөндіру гидранттарын ауыстыру;

3. Мектептерде велосипед тұрағын ұйымдастыру;

4. Мамандықты дұрыс таңдау мақсатында 5-сыныптан бастап кәсіптік бағдарлау тестілерін ұйымдастыру;

5. Бастауыш сыныптардан бастап оқушылардың өз ойын еркін жеткізу мақсатында «Көпшілік алдында сөйлеу», «Дауыс қою» үйірмелерін ашу;

6. Балабақшалардан логопед маманының кабинеттерін ашу;

7. Оқушыларды қоршаған орта қандай заттардан зардап шегіп, ластанып жатқаны туралы үнемі ақпараттандыру және тазалыққа шақыру жұмыстарын жүргізу. 

           Индербор кенті әкімі аппаратына (Ш.Альмурзиев) төмендегідей ұсыныстар берілді:

1. Ш.Уәлиханов мектебінің жанындағы жол кедергісі оқушылардың қауіпсіздігіне қауіп төндіруіне байланысты жол кедергісін жылжыту.

 

           Аудан әкімінің орынбасары А.Мурзинге төмендегідей ұсыныстар берілді:

1. Аудан бойынша міндетті медициналық сақтандырылмаған тұрғындардың санатын нақтылау, оларды жұмыссыздар тізіміне енгізу, жалпы осы бағыттағы жұмыстарды жандандыру;

2. Дәрі-дәрмектерді алу бағытында туындаған қиындықтарды басшылыққа жеткізіп, шешілу жолдарын ұсыну;

3. Балалары екпе алмаған ата-аналармен түсінік жұмыстарын жүргізу .

           «Индер аудандық ауруханасы» шаруашылық жүргізу құқығындағы коммуналдық мемлекеттік кәсіпорынына төмендегідей ұсыныстар берілді:

1. Аудандық ауруханаға Қазақстанның әр өңірінен дәрігер мамандарды шақыруды ұйымдастыру және оларға қолайлы жағдай жасауды қолға алу;

2. Дәрігер қабылдауына тіркелу, жолдама беру сияқты жұмыстарды цифрландыру (онлайн форматқа көшіру);

3. Ауылдық округтердегі дәрігерлік пункттерді автокөлікпен қамту.