Қазкеңес жаңалықтары
KazKENES жаңалықтарыИндер аудандық Қоғамдық кеңесінің отырысы өтті
2023 жылдың 24 наурыз күні сағат 10:00-де Индер ауданы әкімдігі ғимаратының мәжіліс залында Индер ауданының Қоғамдық Кеңесінің отырысы өтті.
Кеңес отырысының күн тәртібіне сәйкес төмендегі мәселелер тыңдалды:
Индер ауданының жергілікті атқарушы органдарымен көрсетілетін мемлекеттік қызметтердің сапасы мен проблемалық мәселелері, оның шешілу жолдары мен сыбайлас жемқорлыққа қарсы іс-шаралар туралы аудан әкімі аппаратының мемлекеттік құқық, төтенше жағдайлар және мемлекеттік қызмет көрсету сапасын бақылау бөлімінің басшысы Н.Сағынғалиевтің хабарламасы тыңдалды.
Кеңес мүшелері хабарламашыға тиісті сұрақтар қойып, қарар қабылдады. Қоғамдық кеңес, қаралған мәселелер бойынша Индер ауданының жергілікті атқарушы органдарымен көрсетілетін мемлекеттік қызметтердің сапасын үнемі бақылауда ұстау; Өзіне өзі қызмет көрсету бұрыштарының қарқынды жұмыс жасауына жағдай жасау; Мемлекеттік қызмет алушылармен кері байланыс орнату (кемшіліктерді анықтау мақсатында) ұсынылды.