Павлодар ауданында медициналық қызмет сапасын арттыру туралы мәселені талқыладықсОбсудили вопрос качества медицинских услуг

---

Павлодар ауданының Қоғамдық кеңесінің кезекті отырысында Павлодар ауданының тұрғындарына көрсетілетін медициналық қызметтердің сапасы мен жай-күйі туралы мәселе талқыланды. Аталған мәселе бойынша аудандық емхананың бас дәрігері Г. М. Қайырбаева хабардар етті.

Ауданда медициналық мекемелерге 24647 адам тіркелген, оның ішінде 17690 ересек адам, 998 жасөспірім және 6009 бала. Медициналық қызметтерді 1 емхана, 15 медициналық пункт, 3 ФАП, 10 дәрігерлік амбулатория көрсетеді. 2023 жылдың 9 айында 269705 Мемлекеттік қызмет көрсетілді. Есепті кезеңде қабылдауға 92943 адам, үйде 7507 пациент келді. Күндізгі стационар қызметтері көрсетіледі.

         Шалғайдағы ауылдық елді мекендерді консультациялық-диагностикалық қызметтермен қамтамасыз ету мақсатында жылжымалы медициналық кешендер шалғай ауылдарға шығып, жергілікті жерлерде медициналық қызметтер көрсетеді: зертханалық және диагностикалық тексерулер жүргізу, тар мамандардың консультациялары және т. б.

Аудан тұрғындарына көрсетілетін медициналық қызметтердің сапасын жақсарту үшін дәрігерлердің біліктілік деңгейін арттыру бойынша жұмыстар жүргізілуде. Ағымдағы жылдың 9 айында Алматы, Семей, Қарағанды қалаларының медициналық университеттерінде 37 дәрігер және 47 орта медициналық персонал оқытылды.

Ақпараттық қоғамдық мониторинг және халықпен кері байланыс тетігі енгізілді, аудандық емхана жанынан "Халық кеңесі" қоғамдық мониторинг комитеті құрылды, ол аудандағы денсаулық сақтаудың өзекті мәселелерін және оларды шешу жолдарын қарастыратын болады. Сондай-ақ, ауылдық округтерде медициналық қызметтерді алуға, олардың сапасына байланысты мәселелерді талқылау үшін фокус-топтар құрылып, оларды әрі қарай "Халық кеңесі"комитетінің қарауына енгізді. Фокус-топтардың отырыстарында "Маяк" ШҚ қызметкерлеріне міндетті медициналық сақтандыру қорына уақтылы аударылмау, егде жастағы адамдар үшін ұзақ өмір сүру үйірмелерін ашу, шалғайдағы ауылдардан пациенттерді тасымалдауды ұйымдастыру, Богдановка және Толубай ауылдарындағы медициналық пункттерді күрделі жөндеу сияқты мәселелер көтерілді.

Сонымен қатар, аудандық емханада "Үздік тәжірибелер орталығы" құрылды, бұнда мынадай бағыттар бойынша 4 үйлестіруші тағайындалды: созылмалы ауруларды басқару бағдарламасы), профилактикалық қызмет, оның ішінде салауатты өмір салты, патронаттық қызмет және әлеуметтік-психологиялық көмек көрсету.

Талқылау қорытындысы бойынша Қоғамдық кеңес Павлодар ауданының емханасы мен басқа да емдеу мекемелері көрсетілетін қызметтердің сапасын жақсарту бойынша үлкен жұмыс жүргізіп жатқанын атап өтіп, "Үздік тәжірибелер орталығын" құруды, "Халық кеңесі" ақпараттық қоғамдық мониторинг және халықпен кері байланыс тетігін енгізуді, халықты, оның ішінде жас аналарды, мұғалімдерді оқыту кабинетін ашуды мақұлдады.