«Aqtobe Jastary» бағдарламасының шарттарына өзгерістер енгізу қажеттілігі туралы

Ақтөбе қаласының Қоғамдық кеңесінің мүшесі Анапин Дінмұхамед жастардың тұрғын үй мәселелерін шешуге бағытталған «Aqtobe Jastary» бағдарламасының шарттарына өзгерістер енгізу қажеттілігі туралы мәселені ресми түрде көтерді.

Әртүрлі алаңдарда — жұмыс топтарында, «Amanat» партиясының «Жастар рухы» жастар қанаты аясында, сондай-ақ Жастар саясаты басқармасының бұрынғы басшылығымен кездесулерде Д.Анапин бірнеше мәрте жалғыз жастардың қатысу мүмкіндіктерінің әділетсіздігі мәселесін қозғады.

Қолданыстағы баллдық жүйе Қазақстан Республикасы Конституциясының 14-бабында бекітілген құқықтар мен бостандықтардың теңдігі қағидатын бұзады:

«Тегіне, әлеуметтік, лауазымдық және мүліктік жағдайына байланысты ешкімді ешқандай кемсітуге болмайды».

Сонымен қатар, «Қазақстан Республикасындағы мемлекеттік жастар саясаты туралы» Заңның 4-бабына сәйкес:

«Мемлекеттік жастар саясаты жастардың өз қабілеттері мен әлеуетін іске асыруда құқықтар мен мүмкіндіктер теңдігі қағидаттарына негізделеді».

Осыған байланысты ол нақты ұсыныстар енгізді:
Отбасысы жоқ жастар үшін кемінде 30% квота қарастыру;

Экономикада, әлеуметтік салада және қоғамдық қауіпсіздікті қамтамасыз ету салаларында еңбек етіп жүрген барлық жастар үшін тең мүмкіндіктерді қамтамасыз ету, оның ішінде полиция, төтенше жағдайлар қызметі және қоғамдық тәртіпті қорғау саласындағы жастарды қамту.

Көптеген талқылаулар мен берілген уәделерге қарамастан, бағдарлама шарттарына ешқандай өзгерістер енгізілген жоқ.

Фото

Previous Next